【本報訊】港府連日上演突閘大龍鳳擾民，最終食白果。前晚封鎖佐敦文英樓及深水埗恒安樓，至昨晨7時共1,540人接受檢測，再次無發現確診個案，但揭發75人無做檢測，已被發出強制檢測令可能罰款五千元。深水埗有粥店前晚因突閘提早收舖，昨晨又因延遲解封，導致開舖時間延遲四小時，損失三分一生意。
位於深水埗封鎖範圍的新榮記粥店，原定早上7時開舖，惟昨日早上因遲遲未解封，延至11時許才開舖。姓唐女店員指出，前晚突閘封舖下丟棄三分一食材，昨早又遲開舖，生意損失三分一。
她憶述前晚收舖後曾折返欲做檢測，但警員告知「唔使啦，你入去就困住你！」豈料昨早準備開舖時竟見店外大閘貼上告示指「多次探訪中均得不到回應」，要求店內所有人盡快檢測，否則將被罰款。她直指無奈「都收咗工點會有人？多餘！」她多次致電查詢熱線，但電話接通卻自動斷線，粥店員工對收工仍要強檢大惑不解。
佐敦亦有居民不滿安排混亂而鼓譟，有居民昨早下班後回家前進行檢測，等候近一小時仍未做檢測，亦不獲上樓等候，「你唔係叫我哋成班街坊喺度等㗎嘛，唔係咁做嘢㗎」，最後終獲准回家等候。早上9時許，有自稱居民的男子輪候檢測時因不滿安排大罵現場人員，「好多時間呀？時間都要錢」，該名男子更欲阻止記者拍攝，一度恐嚇稱「插爆你相機呀」，另有居民批評封區多此一舉，未能找出個案，阻人返工。