婚期臨近的湯怡和麥秋成，昨日下午進行過大禮儀式。一對準新人跟足傳統，一大堆禮品包括大筒花膠、瑤柱花菇、龍鳳鈪、金豬牌、首飾、中式禮餅、巨型生果籃、紅酒、椰子等，一張大枱放得滿滿。湯怡笑言自己只是齋坐：「冇人夠膽畀我做嘢，就算我想幫手，佢哋都會話：『你唔好呀，呢段時間大家都係當我一個公主咁對待。」
懷有身孕的湯怡身體如何？她說：「我覺得呢個感覺好奇妙，自己都好興奮，暫時未緊張，反而會同啲朋友，或者家姐傾吓生完之後BB之後會點，好多知識𠵱家吸收緊。同埋都睇好多媽媽書，如坐月時應該食啲乜，同埋會補充好多supplement，希望可以有足夠嘅營養畀BB。」