沒有「TAMA TAXI」台長的士高義載，送草到創興水上活動中心和東壩的交通費支出，絕對是龐大的。每次由割草至送草，都要大約三、四小時，去年收到Cat的電召，知道她們是牛義工，便決定義載，「佢哋做嘅事好有意義，之前完全唔知呢度啲牛係咁嘅情況，將啲牛放喺無嘢食嘅地方」。
每次出車都要幾部的士，他花了不少時間說服其他司機幫忙，後來越多司機願意加入，「其實付出好少啫，只係等佢哋放草，做少兩個鐘生意，又唔係日日做，值得嘅」。他說「TAMA TAXI」專門尋找「儍人」一起做「儍事」，義載可以盡情發揮熱情和呼吸新鮮的空氣。
就着創興水上活動中心及東壩於冬季不夠草的情況，漁護署回覆指，西貢郊野公園擁有足夠天然資源維持牛群生活，公園內一直有流浪牛棲息，而牠們亦懂得隨着時間、季節及天氣的轉變，自由地到公園各處覓食。由於此屬正常現象，漁護署並未干預。