姚子羚昨日出席宣傳活動時，對於好友李施嬅趕在「四字頭」前成為人妻，開心地說：「我哋知，不過就唔知佢係噚日宣佈，佢講之前冇通知我哋，戥佢開心！因為佢肯將呢個咁開心嘅消息話畀全世界嘅人聽，分享呢份喜悅，希望佢哋白頭到老、永結同心。」
談到不少人看好胡說八道姊妹中，姚子羚和黃智雯應該會繼李施嬅後接棒做人妻，成為胡說八道會第四位結婚的成員，之前跟夜店董事男友Raymond傳復合的姚子羚笑言可能由胡定欣搶先：「呢啲真係唔知，可能胡定欣嫁先呢，呢樣嘢我哋大家冇去諗太多，總之邊個結婚、邊個生小朋友都好，都係一件開心嘅事。」同場的陳山聰則對李施嬅宣佈婚訊詐型說：「我連佢拍拖都唔知，佢收得好密！」