溫碧霞近半年在內地工作，近日為返港過年的她昨天到新城受訪時說：「真係好掛住屋企人，覺得好似小別勝新婚，內地工作係好充實，但家人係最重要。」溫碧霞透露月底再到內地工作，至5月才回港拍攝由她工作室製作的《我們的18歲》，問到老公可會投訴？她笑說：「佢冇呀，我返嚟佢都好開心，因為一段時間嘅離開，我哋關係就好似新婚咁，有初戀嘅感覺。」
提到早前在社交網上載一段在豪宅騎馬的片段，被網民批評炫富，溫碧霞說：「嗰間屋唔係我㗎，嗰度係我喺杭州拍嘢時一個老闆嘅別墅，有粉絲知我鍾意馬，所以就運咗隻馬嚟，我冇屋喺內地㗎。流言蜚語都慣咗，大家睇得開心就OK。」