近期除了GameStop之外,在虛擬貨幣市場亦有一項貨幣炒得火熱,就是Dogecoin,主角同樣有Reddit及Tesla創辦人馬斯克,今次Reddit仔在24小時內將Dogecoin推高8倍,仲有馬斯克Twitter幫手,話Dogecoin係佢最喜愛的虛擬貨幣,又話Dogecoin係人民嘅虛擬貨幣等等。Reddit討論區中,口號由GME to the moon,變成Doge to the moon。
還有網民為虛擬貨幣價值找來定價的基礎,「疫情下的刺激經濟方案總值1.9萬億美元,而整個虛擬貨幣市場的市值只有1.15萬億美元」,講到好似虛擬貨幣係用作賑災咁款。當然亦有一些實際點的理由,就是有瑞士酒店開始接受Dogecoin付款之類。與GameStop不同的是,炒起Dogecoin無挾淡倉之意,純粹係覺得佢個古仔夠Sexy。
整個虛擬貨幣市場價值是否可以炒上至與刺激經濟方案總值一樣甚至超越它,無人可以料到,但各國積極放水,游資到手自然要搵出路,推高某項單一資產價值有何難?若要搭轉順風車,最重要是注碼上要控制至輸晒都無所謂的大小,才可以在價格大上大落下保持平靜的心境。
散子