【本報訊】「斷捨離」執屋概念由日本傳到不同國家，港人越來越認同收納有助家居整潔，「有時真係唔識處理廚房、客廳點樣執得好啲。」但因上門收納價錢不菲，故寧願上網自學，亦有市民認為收納屬專業知識，認同服務有市場。
家庭主婦劉太近年對斷捨離略有認識，亦對收納學問有興趣，包括廚房或客廳，「收納都好重要，因為有小朋友，好多玩具唔知點分類，唔知幾時要抌啲乜嘢。」陳先生認為收納師專業，在香港大有市場，「如果幫到人執屋都幾好，𠵱家咁忙邊有時間執呀。」
雖然越來越多港人認同收納的好處，岑小姐卻因收納師上門四小時收費1,500元卻步，「好貴喎，請個工人每個月都係幾千蚊。」家庭主婦謝女士亦認同收納師收費過高，她指會網上學習收納技巧，「喺YouTube都可能搵到自學」。同樣靠上網自學的林小姐指，家居環境不大，平時有參考日本家庭主婦收納技巧，故農曆新年前會嘗試花一周執拾家居，希望達到良好的收納效果。