MIRROR成員呂爵安（Edan）、盧瀚霆（Anson Lo）夥拍黃德斌的ViuTV新劇《大叔的愛》近日已經開工拍攝，此劇翻拍同名的日本BL劇，昨日在九龍灣舉行記者會，吸引製作日版的日本朝日電視台派員到場採訪，並安排昨晚全日本報道。
劇中三人大搞HeHe戀，提到Edan和Anson Lo早前拍了咀嘴戲，兩人笑言拍到「舔舔脷」，黃德斌就笑說：「我咁雄赳赳，今次要做個有少女心，盡做啦！」對於朝日電視台派員採訪，他坦言有壓力，但自爆曾收過日本女影迷情信。Edan就表示：「啱啱聽到呢個消息係有少少嚇親，全國喎！好似好誇張，壓力係有，因為原著好好睇，我哋拍會有比較，所以盡力做。」