許廷鏗去年樂壇大豐收，橫掃頒獎禮男歌手獎項，前晚他在觀塘開直播答謝歌迷，事前歡迎fans提問表示有問必答，揚言因為夠玩得，相信不會被難到，最終卻被感動落淚。
前晚一位由中一開始追隨許廷鏗的歌迷表示偶像陪她走過了青春歲月，她現已投身社會工作，許廷鏗即感性說：「調返轉，你都係我嘅青春裏面出現，你嘅說話令我腦海突然有好多回憶湧現，原來就算冇見到你哋都好，你哋嘅support仍然健在。你哋嘅不離不棄，係令我繼續堅持落去一股力量。」接着有歌迷展示第一次出席活動時的合照，許廷鏗即淚流滿面，解釋這名歌迷是歌迷會要員，與另外幾位歌迷多年來不計較付出，雖然個會變化好多，但大家情感不變。聽過歌迷真情剖白後， 許廷鏗對自己失控落淚說：「我冇諗過今日係一件咁嘅事，好地地做個live，做乜會搞到咁！」