特首林鄭月娥以封區方式抗疫，但至今因封區而找到的染疫市民只有一個半個，市民就投訴成效不彰卻擾民，但政府死撐有效，更將責任推給部份逃避封區市民身上。有政界中人指，雖然林鄭堅稱封區手法與政治無關，更不是做給中央看，「但明眼人都睇得出，根本就係為無法清零，向北京交差搵下台階」。他又指林鄭政府下一個挑戰是打疫苗，「佢哋已搭定晒台，萬一打疫苗進度唔理想，又諗住賴人抹黑、政治化，唔關政府事」。
該政界人士指，林鄭在立法會答問大會上，堅決否認封區有政治考慮，更加不是因國家主席習近平關注港疫情而做，「但問佢點揀封區目標，佢話有科學基礎，但又唔完全係科學，即係連佢自己都講唔到標準」，亦有地區人士指，有些大廈剛被劃作強制檢測，但不久又被封區，「做咗強制檢測，但又要再封再做多次檢測，究竟條線點劃？」政界人士稱，林鄭做法正是典型公務員交差手法，「上面要交代清零，雖然明知冇乜可能做到，都要不斷做大行動出嚟」。至於是否有效、能否清零並不重要，「咪賴落市民唔配合、傳媒抹黑，總之唔關政府事」。
另一地區人士稱，林鄭政府下一個挑戰將是全港打疫苗，政府心知肚明，不少市民未必肯打大陸疫苗，「所以咪一早搭定晒台，林鄭一早講定有人將疫苗政治化、小部份人仲藉機政治搞作，仲講到話可能變成被政治操作嘅議題，即係話如果打疫苗唔順利，又係唔關佢事，又係有敵對勢力搞佢」。但該地區人士笑言，一些藍絲街坊近日也說要對打疫苗「睇定啲先」，「佢哋唔係唔信大陸，係唔信林鄭，係咁問點解政府唔買國藥疫苗，而去買科興？澳門都好過你林鄭政府」。若連藍絲也有保留，何況一般市民？
季陶
周一及周五刊出