張預東青春期曾誤入歧途，幸得資深配音員謝月美提攜加入配音界，配過《反斗奇兵》（Toy Story）系列的安仔等角色。前後在無綫工作22年的東東上月初宣佈裸辭，只因他有感「一個人改變唔到TVB，TVB都改變不了我」而決定外闖。有指資深配音員年薪可達百萬元？東東笑說：「Chur到盡兩、三年，接近一百萬，但未到。嗰時我同做四份工冇分別，TVB正常工作，第二份係幫TVB寫配音稿，仲有廣告同接啲出面嘅工作，都辛苦㗎。」
近年無綫不斷裁配音員，東東說：「合作開嘅同事冇晒，一啲管理層或行政嘅人唔識製作就去干預製作。」現時收入減少，但東東不想為錢而失去自己：「我已經後悔，應該早啲走！」不過東東拒絕食回頭草：「我諗有機會都未必會做（配音），走得就預咗重頭嚟過。其實出面好低人工。」東東不介意由低做起，想過進修、揸的士，近日還做YouTuber拍片，相信天無絕人之路。