【本報訊】警員執法期間情緒失控事件屢見不鮮，有市民致電電台斥警員禮貌差，要求警務處處長鄧炳強跟進。鄧炳強否認警隊表現轉差，推說是「假消息」破壞警民關係。
市民游太表示，留意到警隊表現轉差，除了犯罪增加，對待市民時更會「發爛渣」，「禮貌好差呀，處長係咪可以控制下佢哋啲紀律……市民唔係發爛渣，佢（警察）就開始發爛渣，唔似係保護市民嘅模樣囉！」
鄧炳強表示認同警員要有同理心，但否認警隊表現不及以前：「我就唔係好同意，只不過整體上關係比較緊張，同埋以往係有假消息烙印喺市民心入面，例如8.31死人。」他期望同事表現尊業，以改善警民關係。
民主黨主席羅健熙批評鄧炳強「活喺自己謊言世界」，警員不禮貌的行為市民看在眼內，亦承受過，「冇啦啦要逗下你，同佢講多兩句，就覺得自己好巴閉咁」。
羅健熙以早前土瓜灣孕婦被警暴傷害至早產一事為例，斥鄧炳強說謊，「要呃自己，就繼續自己呃自己」。鄧炳強則形容事件是「個別事件」，會調查及希望警員更細心和留意。