現年83歲的余慕蓮（魚毛）去年11月因肺纖維化入伊利沙伯醫院ICU接受治療，有傳她患罕見血癌，由於細菌入肺，魚毛要進行換血手術及插喉助呼吸，情況一度危殆，幸經醫生搶救後情況已好轉，並已由ICU轉往九龍醫院醫治，但仍要插喉未能自行進食。
好友林建明（大姐明）日前接受《蘋果》訪問透露魚毛已可跟朋友傾電話：「佢入院時冇諗到係咁，點知一入去就成幾個月，又唔知乜嘢事又昏迷，佢接受唔到，所以咪喺度喊囉。」她續指魚毛仍然插緊喉難以進食：「個肺仲有啲喉管，同佢調理緊，大概每一日都畀佢練習食嘢同埋講嘢，佢有打畀我，同埋佢契細佬講佢情況，瞓咗喺度兩個幾月，佢就覺得好悶，想講嘢又唔係有機會講到，食嘢又食唔到，佢話有時想死，我話『唔怕！堅強啲，快啲出嚟過農曆年啦！』」