人氣花場信芯園今年種了逾二十萬棵劍蘭，以及七萬多棵百合，但這些心血幾乎毀於一旦。政府針對各區花市的防疫措施，打亂了「信哥」梁日信的部署。眼見虧蝕六位數字，信哥不甘就此終結畢生最愛的職業，惟有破釜沉舟，首次在農曆新年期間開放花田。
他微微欠身，向記者道歉，解釋必須把淤塞的泥地先處理好，方可接受訪問。原來本位處低窪的新田信芯園，因鄰近農地被填作貨倉、政府規劃失誤等問題，令農地水浸情況日益加劇，故發現有水利問題便須馬上解決。
快將年屆七旬，一路走來見盡風風雨雨，信哥以水浸情況為例，指港府從來不是一片良好土壤，支撐農民開花結果。今年政府曾先後取消年宵以及新界花農批售市場，及後又再轉軚復辦，信哥直斥「我做咗半個世紀從來無見過咁混亂……簡直係唔用腦做嘢！」
信芯園今年種植了廿多萬棵年花，心血幾乎盡毀。除了金錢，更加不捨的是心血。較有財力的花農會到市區租舖位作批發零售，但信哥財力有限，惟有留守新田，在農曆新年期間開放花田，讓遊客影相打卡外，亦可即場買花，「唔想心機付諸流水，蝕就蝕硬，有人欣賞花最重要，所以唔會灰心，更加要畀心機做埋落去」。
信芯園花田門庭若市的境況得來不易，花田開初無人問津，為免心血白費，信哥豪爽地向每位入場遊人送花作手信，慢慢累積口碑。
花農之意不盡在花，談起客人時，信哥滿佈皺褶的臉驟然開成一朵花兒，「贏咗健康、歡笑聲，（遊人）可以暫時將抑鬱放低，甚至見到一家人推住個坐輪椅嘅長者專登入嚟，只為睇吓花，好驕傲好滿足！」
農曆新年過後，四月又將正值太陽花花開之時，不同花季連環交替，循環不息，但自然規律卻被新界東北發展無情打斷。信哥雖然不斷強調港府「重商輕農」，但他卻仍然驕傲表示「農夫係我夢想行業」，故堅拒退休，笑言「退休好快Game Over」。說起近年有年輕人反其道而行，棄商務農，「反正啲嘢帶唔走，唔會退休，同年輕人一齊共同進退，做得一日得一日，總之會盡力而為，如果唔盡力做，個心唔好過，所以會做到最後一刻為止。」
交通：九巴76K/紅色小巴17、綠色小巴75/76石湖圍落車（村內不設泊車位）
日期：即日至2月尾
*現時花田以劍蘭為主，過年後將有百合田
*每位遊客入場需先購買手帶，每條手帶可用作$50買花優惠