每年年三十晚的晚上11時，亦即農曆新一年的開始，黃夏蕙都會以出位生肖造型在黃大仙祠上頭炷香，不過今年受武肺疫情影響，嗇色園取消相關安排。《蘋果》免夏蕙BB的生肖鏈「斷纜」，日前安排她提早入黃大仙上香。夏蕙BB入祠為港抗疫祈福說：「大家平平安安，最緊要疫情快啲過去，香港一切回復。」
受限聚令影響，嗇色園周一宣佈取消下周四年三十晚安排善信入黃大仙祠上頭炷香。《蘋果》日前安排現年88歲的黃夏蕙，提早拍攝她入黃大仙上香情況，夏蕙BB為迎牛年即「牛魔王」上身，一身黃袍加臉上的大戲妝，霸氣十足，全身造型就靠帽子上的兩個牛角點睛，貪靚的她更配上透明口罩。夏蕙BB指不能在年三十晚上香，雖感無奈，但為着安全都要接受：「係好可惜，有心唔怕遲，我揀咗初一下午再入嚟祈福，嗰日當行埋大運。」
祠內的善信發現「牛魔王」夏蕙BB，即上前圍觀、握手和集郵，大家異口同聲稱讚她的造型有心思，連居港的印度女子都用英文大讚「looking very nice」。拍攝當日，夏蕙BB一如以往先到黃大仙外的小檔購買祈福必備的大葫蘆和長香，她說：「買大葫蘆好，佢既旺財又收是非。」肖雞的夏蕙BB更看中牛仔吊飾，檔主即推介：「雞同牛係三合，兩個生肖好夾。」夏蕙BB隨即大搜購一堆傍身兼送禮。夏蕙BB入祠後在大殿前誠心合十祈福，口中念念有詞：「大家平平安安，最緊要疫情快啲過去，香港一切回復。牛魔王戰勝疫情呀，身體健康，多謝，多謝，多謝！」
夏蕙BB之後為港人求籤，搖了幾下籤筒便跌下第九十四籤，是中平籤「劉琦奔江夏」，解籤師傅說：「寓意疫情仲係未得，香港上半年運程仲係低沉，疫情最快下半年，大約秋天時先會好喇。2021牛年，牛屬土，土生金，金尅木，上半年仲會有阻滯。」師傅再給夏蕙BB贈幾句：「你流年幾好，雞屬金，牛屬土，土生金，合太歲，身體健康，心想事成，但農曆2月同8月要注意健康，或有少少阻滯。」師傅指夏蕙BB下巴兜兜、嘴角彎彎和耳珠夠厚：「晚年運好好，仲會好長命。」
夏蕙BB今年花心思cosplay的牛魔王，其實由大戲服演化出來，她表示上妝都搞了半日：「朝早9點起身化妝，由頭整到落腳，化咗大戲妝就唔食得嘢，只要靚捱餓都冇問題。」她表示度身訂做的戲服並不便宜，全身造型花了逾二萬都在所不計，她笑言又要構思明年扮羊。
問到夏蕙BB過去一年疫下如何度過？她輕嘆：「冇工開呀，我都賺少咗錢，希望可以快啲通關。𠵱家困住冇得走，我都捱住慳啲，但我好擔心好多演藝界嘅長者，好多冇工做，飯都冇得開，我想繼續籌啲善款幫佢哋。」夏蕙BB最感嘆是鼠年帶走不少演藝界前輩：「今年死得人多，好多老友記又走咗，差唔多個個月都去殯儀館，好傷心。」夏蕙BB疫下多數留在家中，為老公潘炳烈煮飯：「我哋有時買定一個星期啲餸，我煮佢洗碗。」她都預計限聚令下，今年未能跟家人吃團年飯及開年飯，夏蕙BB續說：「我希望快啲有疫苗，大家打咗就有保障。」
