趙祥誠（Ben）早前贏得《全民造星III》冠軍後，知名度大增令工作不斷，其中一個波鞋廣告近日出街，在廣告中他盡展舞蹈才華，雖然只得短短分半鐘，但Ben覺得十分感動：「冇諗過佢哋將我同產品融為一體。導演又信任我，畀我任意發揮，成條片將我多年嚟練舞艱辛同堅持濃縮，所以睇完好感動。」
回想練折骨舞過程，Ben坦言最難聽是指他不是跳舞，而是耍雜技，練習時試過受傷幾個月動彈不得，不過這些辛酸未有令他放棄。處男下海拍廣告，酬勞是否很滿意？Ben怕醜地笑說：「好滿意呀，幾多錢唔好講啦，新人算好好，我會永遠留住呢對粉紅色波鞋做紀念。」此外，有不同經理人公司斟洽Ben加盟，但他仍未決定，不時跟家人商量聽取意見。