「蜜蜂兵團」多蒙特喺周二德國盃險勝柏達邦入八強！多蒙特六分鐘靠安利簡恩接應角球打開缺口，查頓辛祖喺16分鐘拉開比數至2:0。柏達邦積極反撲下，喺79分鐘追近至1:2。去到補時階段，柏達邦全員出擊，艾寧夏蘭特（圓）趁機打反擊破網，以為比賽會以3:1終結，殊不知柏達邦球員投訴多蒙特球員喺打反擊前禁區內犯規在先，結果球證透過VAR覆檢後，反判柏達邦獲12碼，喺補時7分鐘扳平2:2要加時。呢場波足智彩「讓球」終盤係多蒙特讓球半/兩球，以為贏半格執身彩，點知戲劇性咁輸晒。多蒙特喺加時僅五分鐘就靠夏蘭特建功，最終險勝3:2。