KINGBOTICS鬧政府無視舞蹈界

《蘋果》 X 《狂舞派》街舞大賽八隊入選隊伍陸續亮相，其中Popping隊伍KINGBOTICS實力超班，成員Louis憶述起初是被hip hop音樂吸引，才開始對街舞產生興趣，他形容以前跳舞給人的印象是不務正業，幸好經過10多年的發展，跳舞工作機會多了。然而，一場武漢肺炎重創舞蹈界，身為舞蹈學校負責人的成員小三直言︰「喺政府眼中，舞蹈員唔係正規藝術工作者，抗疫基金入面雖然有包括從事興趣班導師補貼，印象中有5,000蚊，但作為街舞舞蹈員係連呢5,000蚊都冇，真係好離譜。」

■KINGBOTICS成員包括（左起）Louis、小三和KaKa。

另外，Street Dance Society的三位成員包括擅長跳Locking的Carter、跳House的Cyik和小彥。疫情下三人表示只能靠着對夢想的堅持，咬緊牙關撐下去：「放棄嘅諗法一定有出現過，但當你見到一啲年紀大十年、廿年嘅前輩仍然堅持，我哋實在再搵唔到藉口放棄。」

■KINGBOTICS表示疫下只能靠積蓄和做散工維持生計，但仍然對未來抱有希望。

■Street Dance Society成員包括（左起）Cyik、Carter和小彥。