《東張西望》報道不時踩界惹禍，主持亦不時甩漏犯錯，多年來引來外界批評及投訴。
今年初《萬千星輝頒獎典禮2020》結束後，獲獎藝人於後台接受訪問，主持人黎寬怡訪問以74歲之齡奪最佳男配角的資深演員白彪，但當她知道可跟《東張》同事影合照時，即將咪牌遞給其他工作人員轉身跑走，白彪不知訪問完結，還跟住黎寬怡跑，場面尷尬。
2020年節目中主持吳幸美提到出現首宗菲傭確診武漢肺炎個案，指不少僱主擔心家傭會在假日外出聚會時染病，另一位主持潘梓鋒就表示：「其實僱主可以考慮同外傭傾吓，由原本放星期日不如放閒日，又或者係用薪金嚟取代假期。」提議涉有違法之嫌。
2017年報道一對公務員夫婦墮樓事件，除涉及事主單位外，亦牽涉兩個低層平台單位，但以「凶宅」角度剖析案件對樓價影響，節目主持人宋熙年及林溥來為觀眾送上投資貼士，認為若放下迷信，可視凶宅為一門商機，被網民鬧不尊重死者品味低俗。
武打男星劉家輝因中風致右邊身癱瘓，2014年節目中安排他重遊電視城，眾藝人硬推他到古裝街大合照，主持人林映輝更要求他笑得開心，劉家輝一臉為難說：「好難笑呀。」林映輝再說：「見到佢哋笑得咁開心，就笑得出嚟啦，笑啦！」遭網民鬧爆借劉家輝過橋硬搞溫情。