【本報訊】尖沙嘴彌敦道金鑾大廈前晚突遭封鎖，該幢商住大廈除有賓館時鐘酒店，亦不乏商舖，東主及客人對當局突襲封區措手不及，有時鐘酒店負責人慶幸時租客沒有「加鐘」，恰好趕在封區前「清場」，才不致客人滯留；當中重災區是樓上一間髮型屋，當時40顧客及職員被禁足留通宵，有人在洗頭床睡覺或席地而睡。
大廈內一間時鐘酒店的負責人黃小姐對封廈愕然，「今次封金鑾都幾突然，得三單都封」。她指，客人雖及時撤離，但清潔姐姐就「走唔甩」，要在酒店過夜，「佢冇啦啦要過一晚，咁搞法我要補貼佢呀，梗係要畀間房佢安頓啦」。大廈另有商戶因突閘而滯留，不少人到其酒店租房，她亦給予八折優惠。
金鑾大廈內重災區是一間樓上髮型屋，家住青衣的李小姐前晚光顧相熟髮型師，理髮其間得悉突閘封鎖，「有人想『衝閘』都唔成功」。
事出突然，當時店內多達30人，眾人十分徬徨，「感覺似喪屍片，出面好多人圍住你，又唔出得去」。當時一名10歲女童亦在店內，其後獲斟情離去，至於其他人則要留下，各人輪流在理髮椅休息、亦有人席地而睡、或在洗頭床睡覺，感覺相當「難捱」，直言經此一役以後，晚上7時會少出街。