【本報訊】林鄭政府前晚一連封四區，其中紅磡隆基大樓共有1,006名居民經過通宵折騰完成檢測，卻沒有發現確診個案，但有三人未進行強檢被票控，當局到訪380戶發現37戶沒應門。有報檔商販鬧爆封區勞民傷財完全無作用，又因遲了三小時開檔，損失千元生意額。
位於馬頭圍道23至35H號的隆基大樓，前晚8時起大廈被封鎖，居民不得離開，須於昨凌晨2時前到採樣站強檢；至昨早7時許現場才解封。九龍城區議員郭天立批評當局封鎖大廈相當擾民，又認為檢測早於凌晨2時完成，認為可提早解封方便市民。他又質疑「紅磡有好多舊樓都有（確診）個案，但係你（政府）唔揀」，認為當局須釐清封區準則。
隆基大樓住客王女士在樓下設報紙檔，她昨早解封後才密密收貨再叠報紙，她指因遲了三小時開檔，損失至少1,000元生意，「平時朝早返工時間，啲人又會買煙仔」，但客人見報紙未叠好就不光顧。她批評封區只是勞民傷財，「個個人搵食㗎大佬，好多人都冇工返，手停口停呀，叫林鄭補償返啲人工畀我哋啦」！