政界人物呢排頻頻沽售物業，繼工黨李卓人、民主黨林卓廷後，今次就到公民黨前黨主席、資深大律師余若薇沽貨，以3,600萬元沽出西半山物業。
余若薇或有關人士沽出嘅西半山物業位於干德道的康苑，C座低層單位，實用面積2,027方呎，上月以3,600萬元連車位售出，實用呎價1.77萬元。按土地註冊處資料顯示，單位原業主係1988年斥230萬元買入，登記業主余若薇，相信就係余大小姐本人，據悉之前單位喺市場索價4,200萬元，今次係減價600萬元賣出，而余大小姐持貨33年，賬面賺3,370萬元，升幅近15倍。
康苑屬干德道嘅老牌豪宅，已經有59年樓齡，鄰近新廈敦皓，一向交投量唔多，講到上一次嘅同層單位交易，已經係2019年嘅3月，當年個單位呎價2.1萬元。
李八方