【本報訊】去年有45名警員犯法被捕，按年飆升21宗，即接近一倍，當中逾八成是警方調查及拘捕，其中兩宗案件涉13名警員。 警務處長鄧炳強在記者會上說：「任何一個違法嘅人，特別係警察，我哋一定會採取行動，作為警察係更加需要知道知法犯法。」及後他主動澄清是口誤，改稱警員更應「知法守法」。
鄧炳強出席立法會保安事務委員會時又向示威者砌生豬肉，新民黨容海恩提問：「聽到好多家長好擔心，好多罪犯利用毒品引誘小朋友或者青年犯案，參與暴動、暴力案件。」
鄧炳強回答稱，無證據顯示反送中案件被捕人士與毒品有關，但示威現場的氣氛通常亢奮得如同服用了毒品，「成班人（示威者）一齊衝出去、掟汽油彈，心理嘅亢奮程度同食咗毒品類似，我哋都以為佢食咗毒品，但冷靜落嚟會變返正常人」。
上月一名孕婦在土瓜灣被警方施暴導致早產，鄧炳強否認涉事警務人員犯錯及使用不必要武力，並稱警方已收到有關投訴，已找到獨立證人，會全面詳細調查。鄧炳強稱警員是因應當時情況採取行動，盡量免影響其他人，「所以用到最低武力去完成行動，調查結果出嚟可以還大家清白」。
立法會前議員林卓廷炮轟鄧炳強說法極不合理，反映令人心寒的警隊心態，「當咗人哋食毒品，情緒、行為（可能）失控，警隊更加合理使用暴力，理解到點解咁多警暴」。他批評鄧炳強「喺度胡說八道，咁係唔負責任」，又直斥警方處理土瓜灣孕婦極其荒謬，「大肚婆有咩攻擊性？應該係保護佢，仲搞到人哋早產，一句道歉都冇」。