幾十年前有個國內生產冷氣機嘅電視廣告，搵咗李莉莉做代言人，喺廣告入面猛嗌「好熱呀，我要美的呀！」，呢位女星當年仲有名曲「我要你每夜陪住我」。呢間家電產品公司上年1月同曼城（圖）合作成為合作夥伴，到周一再進一步，宣佈擴展同曼城女子隊以及紐約城，達成合作關係。不過對曼城領隊哥迪奧拿嚟講，相信更鼓舞嘅消息係早前確診武肺嘅前鋒阿古路，表示自己已經康復，準備復出。