【本報訊】中方近日不停形容英國圖將以BNO簽證移英港人當作「二等公民」，行會成員、新民黨主席葉劉淑儀昨聲稱，以特許入境許可（LOTR）計劃提早到英國準備申請BNO簽證的港人，也是怕國安法被捕、「參加過騷亂」，又抹黑申請者無技能、無學歷，「即係（英國）有些少當你係難民囉」。民主黨國際事務委員會主席劉慧卿希望當權者能理解，「好好地地成家人，點解要突然賣晒啲嘢要走」。
葉劉淑儀昨於電台節目中指，早前透過特許入境許可計劃入境英國的7,000名港人絕大部份因為害怕港版國安法或害怕因國安法被捕，「我相信已經去咗（英國）嗰啲，就係參加過騷亂，驚自己被逮捕，或者真係不滿國安法，嗰啲已經走咗」。
對於建制陣營抹黑以BNO簽證移英港人是「二等公民」，葉劉淑儀認為，源於相關人士或者在無技能、無學歷下移英，「總之你畀到五年嘅簽證費、保健費，答咗佢100條問題咁就去得，即係（英國）有些少當你係難民囉！」
民主黨國際事務委員會主席劉慧卿則指，希望各國政府冷靜處理今次事件，並能如特首林鄭早前稱，尊重港人個人選擇，「要走嘅人始終會走，有啲或者去其他國家，當權嘅人係咪應該問吓點解咁多（香港）人走呢？」
劉慧卿又認為，現時不少人大代表、政協委員、商界專業人士以至立法會功能組別議員都擁有雙重國籍，認為中國政府不應針對透過BNO途徑取得英國居留權的港人，「香港呢啲人係受害者，好好地地成家人，點解要突然賣晒啲嘢要走？點解以前畀特別待遇，現時又要針對你？係咪一個咁大嘅國家，要咁樣對自己嘅子民？」