【本報訊】綠楊新邨約百名住戶須撤離檢疫，但藍田麗港城第五座及第七座前晚卻被封鎖，兩座居民不得離開進行檢疫，兩者安排不一令人質疑政府抗疫欠準則。呼吸系統專科醫生梁子超批評，當局防疫一大錯誤，是以為單靠一次性檢測可斬斷病毒傳播鏈，是不切實際。若政府並非針對居民有高流動性，貿然封區或封鎖大廈只會浪費人力物力，對居民造成困擾。
梁子超指出，「封區或封鎖大廈進行檢疫，主要係驚人流動令病毒擴散。除非相信人流動性好大，如果話可能流動嘅（居民）唔流動，或者流動嘅已經流動咗，咁封佢係無謂」。他批評政府錯覺以為一次性檢測對抗疫有幫助，其實不然，「唔好以為一啲樓宇或區域，可透過一次檢測就斬斷傳播鏈，強檢一次冇個案唔代表安全，病毒有潛伏期，社區一樣有風險」。梁認為避免封區或封鎖大廈勞民傷財，大面積強檢已可以，成本效益更高，直言沒必要封鎖麗港城兩幢大廈作強檢。
荃灣區議員潘朗聰擔心政府或突襲封鎖綠楊新邨，令居民困擾。他指上周五已獲悉R座18樓04及05室出現確診個案，「但點解當時冇專家團體嚟睇？𠵱家先嚟已太遲，有四層居民確診先嚟，希望政府反應迅速啲，唔似麗港城搞到人心惶惶」。
另一荃灣區議員譚凱邦則批評，昨早衞生防護中心與大批警察突掩至Ｒ座樓下，要求居民出示陰性檢測結果方可離開，「究竟當居民係唔係人，定係犯？」他認為R座很多居民之前已做了強制檢測，不應重複再做，又稱「街坊擔心封區，又不斷被強制檢測，真係唔希望再有任何封區措施，過度限制居民自由」。