前港姐李思雅日前帶愛犬睇牙，小狗被剝17隻牙後失明，她在網上點名批評涉事動物醫院兼自責，呼籲寵物主人要小心選擇醫院。昨日博愛動物醫院有限公司發聲明，指李思雅所發放的言論和資料並不正確，表示震驚和憤怒，要求對方公開道歉兼賠償損失，否則訴諸法律行動。
李思雅昨日接受傳媒訪問，堅持自己發言全屬事實，她說：「如果佢有啲乜證據或記錄，我都想大家出嚟傾、大家出嚟對質，我唔係屈佢，我真係只講返成件事發生嘅經過。」《蘋果》昨日聯絡涉事動物診所負責人，對方指事件已交律師處理暫沒回應，負責人說：「只係唔明白，一個自稱愛狗嘅人，點解可以養到隻狗咁樣，相信真相好快會見到。」