現年24歲的MIRROR成員呂爵安（Edan）人氣急升，近日跟「兄弟組合」ERROR的梁業（肥仔）獲機會推出個人單曲，其中Edan的歌曲講及他被女飛及戴綠帽的傷痛歷史。提到今時今日才有單飛機會，Edan指若人氣、實力尚未到位而出歌，只會弄巧成拙，坦言現在才是最好時機。
近日憑HeHe劇上位的Edan以及ERROR隊長肥仔，今年終於實現夢想，兩人在同日分別推出個人單曲《E先生連環不幸事件》及《Lady Killa》。日前Edan和肥仔接受《蘋果》訪問時，談到MIRROR之前不少成員早已推出個人單曲，Edan表示：「其實羡慕、妒忌就冇嘅，出歌要睇好多因素，即係無論人氣、實力同形象如果未到位，就算我之前出都未必多人欣賞，拍咗劇多人識咗，呢個時候出反而啱啱好。」
Edan新歌由黃偉文（Wyman）填詞，歌詞度身訂做其中學時的「黑仔」經歷，Edan說：「雖然中學時期我鍾意參加課外活動，算係校內風頭躉，但其實我都有俾女仔hurt過，分手係因為個女仔畀綠帽我戴，係呀，都有一、兩次呀！啲女仔仲要同咗我best friend一齊，我知道後喺學校喪喊。𠵱家諗返好搞笑，不過當時真係好傷。」 受過情傷的Edan，坦言對拍拖奉行既來之則安之態度，暫時以工作為先。
但負責填詞的Wyman早前在Ig自爆原來「填錯詞」，原來他寫了：「仍然功半但事倍」，他稱原可將「半」及「倍」兩字對調便可，但又嫌不押韻，因此索性將整句重新寫為：「無緣出眾地奪冠」，但當時歌已錄好兼派台，Wyman留言道歉：「填詞人最害怕的事情是，歌詞灌錄好出了街才發現追不回的錯誤，在此必須對歌手，唱片公司，其他相關製作單位及聽眾，鄭重道歉。」雖然Wyman指填錯詞，但無損新歌在YouTube的點擊率至今已超過45萬，登頂成為熱門影片第1位。MV中Edan演繹跟好友陷入三角戀，導演找來林家熙（Locker）及譚旻萱（Mandy）一同演出，有歌迷更化身偵探，解構MV的三角戀中，Locker暗中向Edan表白的情節。
除了推出新歌外，Edan近日工作不斷，早前一改官仔骨骨的形像，參演ViuTV遊戲節目《膠戰》令人氣急升，更獲封為「港版李光洙」。日前ViuTV更宣佈Edan將與阮小儀合作拍綜藝節目，小儀更大讚Edan有潛質，令她化身成小粉絲。
採訪：王梓嫚
攝影：仇志德