除了Edan推出個人單曲外，ERROR的肥仔也首次單拖出歌《Lady Killa》。之前ERROR四子中只有保錡有個人歌，未能「單飛」出歌的隊員當然焦急，肥仔搞笑說：「我之前會擔心囉……擔心我咁早出，驚搶咗佢哋風頭，我當時覺得要過一排先，今年係啱啱好嘅時機。」
不過新歌推出前，經理人花姐黃慧君已用嚴肅口吻私下跟Edan及肥仔表明今次是一曲定生死，因此肥仔即火速減肥：「識我嘅都知我賣點唔係靚仔，係才華！不過我唔想唱歌嗰陣凸個肚腩出嚟，搞到成個金生或者PSY咁，成件事就好肉酸。」肥仔笑言要chok便要chok到底，不單碌盡人情卡出動半百工作人員及十多位舞蹈員拍攝MV，更以最擅長的韓式勁舞展現人前，最難得可以着西裝。新歌MV推出後在YouTube有逾12萬次點擊，相信可順利過關。