唔少昔日球星掛咗靴之後形象都會唔同晒，好似昔日利物浦神鋒費蘭度托利斯由昔日玉面小生形象變咗肌肉男。前荷蘭國腳古積特，近期就喺國內電視台亮相（圖），以前佢最招牌就係嗰把好似雜草咁嘅金色攣毛（小圖），但今次見到佢gel到all back，連面上嘅皺紋都冇晒，仲會留吓鬚，變身型棍大叔。有人話古積特回春似乎係因為佢上年同結婚多年嘅老婆離婚，所以家陣保持番個靚仔樣。