佔中三子之一嘅陳健民（KM）去年出獄後，積極開拓網上平台，除開設「KM Chan健民書房」YouTube頻道，亦整咗「健民講堂」民主教育平台，繼續為香港民主運動發聲。早前出版《陳健民獄中書簡》嘅KM，嚟緊又有新搞作，就係到書店任店長！
KM喺fb透露，佢會喺本周五中午12點至下晝6點，到見山書店（上環太平山街6C）做一日店長，當日除咗收錢，仲會向大家推薦店內好書，相信大家都好想知，KM有乜私心推介。
至於之前撲唔到KM新書嘅讀者，亦有好消息，皆因當日KM會有少量《陳健民獄中書簡》簽名本發售。一早已買咗書嘅朋友，亦可帶埋《書簡》去搵KM簽名同傾偈。想喺現時北風凜冽嘅香港圍一圍爐，周五不妨動身暖一暖！
李八方