【本報訊】在內地猖獗多時的刷單騙局近年攻港，今次騙徒再施新招，除以10%高佣金作招徠，並施以綑綁式招數，要求完成五個定單後，才獲發還本金及佣金，而且任務的貨價不斷提高，甚至出示手持身份證自拍照稱：「親，如果您是在擔心，我把我身份證給您」，以博取信任，令刷手無法抽身，被迫完成五連單任務，損失更多。
香港資訊科技商會榮譽會長方保僑表示，為提升產品點擊率及銷售量，不少網店均聘打手搶單，「好多時唔同嘅（網上）店販，想衝高個銷售額，就不斷叫人訂貨」，惟不時有人「走數」。他指網上騙案難追究，「網店冇地址又冇聯絡，咩都冇，可能淨係得個對話，或者到時佢個WeChat或者WhatsApp刪咗，你都搵唔到佢。」他提醒市民莫為賺快錢而誤墮騙局，「呢啲咪即係鄭中基成日講嘅瑞士山區肺（長期呼吸瑞士空氣而矜貴），其實咪又係一樣」。
大律師陸偉雄指出，騙徒涉干犯欺詐及以欺騙手段取得財產罪，最高可判監14年。由於騙徒在網上犯案，即使警方放蛇調查，亦難將騙徒引出，「你話可唔可以出嚟交收畀錢呀，我相信佢哋都唔會出嚟」，增加破案難度。大律師陳李隆補充，受騙者若知悉是為某店催谷銷量，有機會涉及詐騙，「罪責同騙徒一樣，好似一個共犯咁」；若他們單純將刷單視為工作，不知背後意義，則不構成犯罪意圖。