【財經專題】Tesla創辦人Elon Musk於Twitter將個人簡介轉為「#bitcoin」，刺激比特幣急升兩成。虛幣狂潮，不少香港投資者早置身其中，曾在國際德州撲克賽贏得5,000萬獎金的「撲克王」蔡朝暉，五年前亦受朋友影響成Bitcoin信徒，現已有數百個Bitcoin，朝1,000個前進；他直言今次受訪為「傳教」，讓更多資金投入Bitcoin。
蔡朝暉為國際娛樂（1009）大股東，另為聯合金融主席，過去一直投資舊經濟，多年來經收購合併，包括收購福記食品（1175，現名鮮馳達）、大慶乳業（1007）、英冠球隊韋根，市場估計其身家以數百億元計。
蔡朝暉形容自己讀經濟出身，凡事講究intrinsic value（內在價值），是老派投資人；直至友人將Bitcoin比喻成藝術品令他改觀，「一幅畫值一億美金，佢有乜內在價值？直至有下一個買家，對佢價格有共識。Bitcoin已經形成一個共識，每日有幾百億美金交易量，所以有儲存價值；Bitcoin已經有一班信徒，只要一個圈子嘅人信佢有呢個價值，佢就有」。
這種「新經濟」升幅更勝一眾新經濟股，Bitcoin近期價格約34,000美元，一年間累升3.6倍，較去年跌穿5,000美元低位，更升近6倍。然而蔡認為Bitcoin尚未有泡沫，形容與黃金相似，一樣有需求而供應有限，「Bitcoin總數有2,100萬粒，每日掘到800粒，𠵱家掘咗1,800萬粒左右，limited supply最緊要。供求決定價錢，你見到機構投資者一路入緊黎」。
有基金申報最多將投放5億美元到比特幣上，一下子提供龐大升值動力，「𠵱家市場好多錢，有部份流入Bitcoin，納指中有十幾間公司都話買咗Bitcoin」。而Elon Musk亦提及，要將資產負債表從美元轉成比特幣。
Bitcoin多次大上大落，由1.8萬美元跌至3,000、4,000美元，蔡坦言一度動搖，但指如同科網股一樣，他相信跌後總會回升，故一直定期買入，從未沽出，「都會固定每兩個月買，加埋其他投資project都有Bitcoin做收益，𠵱家向緊1,000個Bitcoin進發」。
惟蔡朝暉指接觸比特幣的仍是少數，「你接觸咁多財經人，幾多有買？全球比特幣錢包有950萬個，我估少過股票人口1%」；他指受訪是為推廣Bitcoin，希望改變一般人概念，「唔係炒到興烚烚，或者跌到死，否則都唔會關注。點樣令大眾改變，我想有正面影響。我之前喺北京一個blockchain投資者論壇，見到美團（3690）主席王興，佢由朝早9點坐到6點先走，不停抄筆記」。
近日有海外投資者忘記Bitcoin電子錢包密碼，損失數以億元計。蔡朝暉認真看待Bitcoin為一項資產，特別將電子錢包密碼寫在簿上，再放入保險箱妥善存放，不擔心遺失。