【本報訊】政府日前突襲油麻地碧街，封鎖民區強迫居民檢測，結果僅找到一名確診者，而緊貼受限區域的順安大廈，昨日新增三宗確診個案。居民批評政府封區劃界不準確，當區區議員李偉峰亦質疑，突襲式封區「冇乜效益，亦都冇必要」。
油麻地東安街順安大廈昨日新增三宗確診個案，包括一名81歲退休婆婆，與其同住的菲傭亦確診。同一大廈另一樓層單位亦新增一名印傭確診，順安大廈現有六個單位有確診個案，涉及11人，分佈在四個不同樓層，每個座向都有個案。
順安大廈緊貼上周二被突擊封區的油麻地碧街、東安街受限區域，當晚政府強制約330名居民檢測，但結果僅找到一名確診患者，受限區域內的順豐大廈過去14日更只錄得兩宗個案。反觀順安大廈卻出現大爆發，油尖旺區議員李偉峰形容近日的措施「唔係好科學，唔係順（疫情）個勢去做，係有啲奇怪」，對當局防疫措施的準則感疑惑。
李偉峰認為，順安大廈爆疫證明當局封區「冇乜效益，亦都冇必要」，重申「你唔封關，封幾多次區都唔會做到零確診，源頭係咁入嚟，啲菌唔會餓死囉」。
衞生防護中心傳染病處首席醫生歐家榮指出，順安大廈早前被列為強制檢測，個案上升屬預料之內。由於大廈確診個案「比較散」，不同座向都錄得確診，暫未有垂直傳播的迹象，估計居民透過公用設施如升降機播毒，會視情況採取進一步措施。
順安大廈出入口門外貼有確診個案及檢測中心資料的通告，又規定大廈居民叫外賣，必須在大廈外交收。居民葉先生非常擔心大廈爆疫，認為政府早前封街行動的區域並不準確，批評「嗰日封（油麻地碧街、東安街）check咗300幾人，先得一個咋嘛，但我呢棟大廈（喺之前封鎖區域嘅）隔離咋喎，嗰日如果封埋嘅話，可能就可以搵多咗六、七個（隱形病患）出嚟喇」。
另一居民郭先生得知大廈有多個單位有爆發，但表示不太擔心，因為除了出門買飯外，不會經常出門。他說已有心理準備，「都唔會擔心，因為都封過一次，不過嗰次咁啱未到呢個位，封到前面吖嘛」。來自尼泊爾的Kabya居於廣東道，對附近區域爆疫略有所聞。他認為突擊封街並非最理想的做法，住戶未必在家或未作好準備，會影響封街的成效。