現年34歲的王君馨繼去年推出歌曲《Casada》獲903專業推介亞軍，日前再推出國語新歌《尖叫》，並邀請林德信擔任MV男主角，挑戰性感極限。王君馨在MV有睡衣、內衣、泳衣等造型，盡騷火辣身材，又浸浴玩濕身誘惑，並跟扮演「老公」的林德信有連場情慾床戲，王君馨穿上內衣情挑林德信，二人更有埋身肉搏。
王君馨今次自編自導自演，拍攝前先帶林德信給老公Daniel「備案」，她表示原先打算找老公做MV男主角，但他嫌自己肥而拒絕，王君馨說：「佢話減唔切，同埋太camera shy，最後搵咗林德信，佢鬼仔性格，加埋識彈結他，所以好配合首歌。」問到老公可有呷醋，王君馨說：「佢喺外國返嚟，唔覺得尺度大膽。」