現年34歲有「翻版阿嬌」之稱的混血女星陳意嵐（Tarah）為撐手足不停發聲，由於疫情演藝工作大受影響，她轉型賣口罩，近日更大搞黃色巿集支持同路人，惟前晚她於社交網貼警員現身其黃店的照片，表示警察以限聚令為由突擊巡查，更預告可能會再來，Tarah只能抱着既來之則安之的態度，還強調會堅持做下去，又勉勵同路人指︰「齊上齊落，一齊度過艱難嘅日子！」
演出過電影《選老頂》及網劇《向西聞記》的女星陳意嵐，近年撐手足不停發聲表態，她於剛過去的聖誕和新年期間，於尖東南洋中心搞黃色巿集，讓檔主寄賣東西，還有意延續至農曆新年「和你宵」活動，前日開始一連三日再有開售活動，但於商場擺檔的她，卻遭到警方留難。陳意嵐前晚於facebook貼出被五名警員突擊巡查店舖的照片，並留言：「明明話等檔主收工到齊，開晒檔就影相，畀大家知有乜新檔新嘢，過嚟衝擊，點知，檔主都未等齊，就等到佢哋。放心，人冇事，繼續準備做世界冠軍。108C會繼續堅持，提供一個安全，好玩嘅地方，畀同路人好好放鬆，努力工作，齊上齊落，一齊度過艱難嘅日子。」照片中看到陳意嵐配合警方做調查。
陳意嵐昨日透過電話回覆《蘋果》表示，前日下午近5時，正當檔主陸續返來做準備，卻有四名軍裝警員及一名女便衣探員出現，陳意嵐說：「佢哋話收到巿民投訴呢度人群聚集，所以過嚟，佢哋又引用條例提醒要注意限聚。不過我哋個場好守規矩，門口有量體溫，場內又要戴口罩，如有需要都要門外排隊。阿Sir佢提醒要保持1.5米距離同二人限聚令，但我就話108C唔係食肆，員工喺店舖工作，好難話維持二人限聚，香港舖有啲細到連1.5米都冇。加上唔係食肆，大家唔除口罩，就問佢可唔可以有清晰指引，阿Sir又冇答。查實佢係咪要我哋好似食肆咁加塊板，我哋呢個算係工作處所。」
陳意嵐又指警察建議他們要學習名店一樣，要客人排隊進場，對此她說︰「我話冇問題，因為都問咗商場，附近店舖都唔介意我哋客人排隊排到佢哋門口，好歡迎我哋啲客阻到佢哋喎！」她又指警察不停提問這個巿集租約幾時完結，她說：「佢哋話唔排除再有投訴會再嚟，仲話一旦見到場中人，如果唔係飲嘢食嘢而除口罩嘅話，就會畀告票佢哋。」
其實王宗堯為《蘋果》主持的節目《王探黃》，日前播出的第三集中亦有介紹過這個巿集，當日王宗堯更於巿集內消費，買了不少心頭好，場內亦有同路人光顧，難怪王宗堯前晚得悉事件後於互聯網大抱不平：「佢哋真係好得閒。」
其實陳意嵐自從為逆權運動發聲後，上年1月曾在社交網發文發相，指朋友的汽車遭淋紅油，與她在抗爭運動做急救員有關，又指曾多次被跟蹤及電話騷擾，為此她更出post強調自己不會自殺。當時陳意嵐回覆《蘋果》時表示冇得驚：「擔心就唔走咁前啦，亦唔擔心得咁多，係咪擔心就唔會發生，唔會掟落街？」她表示接二連三見到朋友出事，朋友座駕更被淋紅油：「擔心冇意義，恐懼係好冇智慧嘅人先做。」曾為藝人杜汶澤的棟篤笑設計口罩的陳意嵐，早前亦成立公司賣口罩，發揮互助精神繼續撐起黃色經濟圈。
