林建名的家人昨日為他辦追思會，古天樂、林子祥父子、羅蘭、太極及蔡一智等未能出席，但眾人非常有心預先拍短片向大少作最後告別。胡楓昨日到場致祭，但事前也有拍片表心意：「我認識林建名差唔多60幾年，喺後生嘅時候，我哋經常玩埋一齊……大家到年紀大咗，我哋仍然係好朋友，佢雖然係一個遊戲人生嘅人，佢嘅生活非常開心……我希望我哋嘅好朋友一路維持落去，直到下一世。」古天樂亦說：「認識嘅林生係一個好好嘅人，無論喺娛樂上面嘅支持，或對後輩嘅栽培，林生都係一個好盡心盡力嘅人……我感覺到好傷痛同難過，喺呢度我希望林生一路好走。」
曾與戴夢夢拍拖的太極鼓手朱翰博（Ricky）坦言收到大少離世消息很突然：「我真係呆咗一日，可能呢幾年同你接觸多咗，了解多啲，我發覺林生係一個絕對冇架子，對後輩非常好嘅一個人，真係好可惜。」隊友盛旦華哽咽表示將來太極再開騷，會預留大少最鍾意坐的位置給他。