鄭中基昨日到柴灣出席智能手機活動，談到日前他憑《暖男爸爸》榮升「民選視帝」，他坦言很開心劇集得到好反應，因此劇在疫情下拍攝，當中劇組遇到不少困難，能完成已很感恩。鄭中基表示：「我同監製傾緊再合作，但未必係《暖男爸爸》續集。」他表示另有兩套電影將會拍攝，其中一套是恐怖片，而自導自演的電影未知何時排期上映。
音樂方面，鄭中基透露在4月底將會在中環海濱舉行戶外演唱會：「個唱形式好似外國騷咁，會有一百架車安排觀眾坐喺入面睇，因跟隨之前限聚令，原計劃一架車坐四個人，全個場容納五千幾人，噚日傾緊個rundown。」今年聖誕節就計劃在台北小巨蛋開騷：「上次因為拍《阿龍》增磅，開騷嗰陣唔可以減肥、練氣，結果搞到唔夠氣唱歌，今次我要復仇操弗啲，一定要挽回聲譽。」