前民政事務局局長何志平在2017年因貪污及洗黑錢罪在美國被捕，被判監三年，去年刑滿出獄返港的他，一直十分低調。近日他獲盧敏儀老公孫敬安邀請，為新創立的「全球華人流行音樂總會」擔任名譽會長。日前該會fb專頁公佈有關消息。孫敬安昨接受《蘋果》訪問表示：「何生係我邀請佢做名譽會長，其實佢都有玩音樂，亦做過香港藝術發展局主席，我覺得好適合。我哋個會舊年11月成立，有40幾個委員，區丁玉、李龍基、唐韋琪同李紫昕等。」談到成立總會目的，他說：「因為疫情關係，好多音樂人都冇工開，希望藉住機會同全世界音樂人有個交流，搞吓活動，等音樂人多個出路。」
問到該會資金來源？孫敬安說：「最初係我一個人攞錢出嚟，𠵱家陸續已經有人贊助，可以做到自給自足，我哋亦申請緊做慈善團體，我哋會幫助一啲老咗冇人照顧嘅音樂人，好似蔡國權，我哋有委員一直照顧佢、關心佢。」