唔夠半個月就農曆新年，好多人趕住辦年貨趕工作等收爐，李璨琛囡囡Lucy呢日都要開工，跟媽咪着住靚靚旗袍仔去商場影新年佈置。Lucy好專業，擺pose時畀足表情，仲送埋肚腩仔，搶閘賀牛年！
古明華最近喺ViuTV新節目《家務戰場》入面要教Kathy仔、邱晴等做家務，情況慘不忍睹，邱晴同Kathy仔煮早餐時仲幾乎燒爆個鑊，嬲到古佬鬧佢哋娶唔過！
王菲囡囡李嫣早前狂俾人鬧炫富嬲到鏟晒社交網，但作為星二代點會離得開大眾目光？佢最近被發現同章子怡繼女「小蘋果」汪曼熙一齊同朋友慶生，原來兩位星二代係好友，唔知王菲同章子怡又會唔會有交流呢？
好多人以為人民幣易賺，有時都未必，好似長居內地嘅鍾麗緹，最近參加真人騷《花漾夢工廠第2季》比賽，要做高難度動作例如「高空叠木凳」，睇見佢企喺六張重叠木凳上，真係有安全帶都嚇餐死！
