環球唱片女歌手陳凱詠日前被爆陷三角戀，有傳她拒愛顧定軒而跟《手捲煙》導演陳健朗復合，她昨日為香港開電視錄影節目《潮聖導賞團》被追問有否與陳健朗拍過拖，她表示兩人是認識很久的朋友，談到與顧定軒的關係，她坦言兩人相識的日子更早，不覺得對方有追求意思：「佢又忙，都唔知睇唔睇得起我啦，我又吱吱喳喳好鬼嘈，都係做朋友兄弟算。」
再問有否發展機會？陳凱詠說：「將來嘅事好難講，但係我冇試過三角戀，男女關係最好清清楚楚，咁樣好忙，實在太難處理，又要講大話又要分身，𠵱家我同工作熱戀，希望可白頭到老、永結同心，哈哈！」另外，陳凱詠前晚為陳志雲YouTube節目做嘉賓，提到因大食而獲封「九碗飯」，她笑說：「F1、F2嘅時候食好多嘢，但係𠵱家唔會，小心啲，會大肚呀！」陳志雲笑言食九碗不會大肚，但嫁給陳健朗就會。她即大反應地說：「吓？點解呀？嫁人都唔一定大肚！」