許廷鏗表面順風順水，但初出道時的「公園事件」，因醉酒與男友人行為親暱爆斷背疑雲，對他打擊甚大，而去年為《全民造星III》做評判時說話被曲解，令他耿耿於懷，「嗰陣諗公司係咪會放棄我，去到一個眼神都可以擊敗自己，被定義咗某啲身份取態，我嗰陣用好多方法同自己講，冇你想像中諗得咁大件事，去到《造星III》，有幕我嘅說話被曲解。」
當日，B組的鍾諾言（NY）穿裙及高踭鞋唱跳，許廷鏗說：「Just be yourself，自己鍾意做乜就做乜！」之後成員為NY平反，指許廷鏗誤會了NY的性向。許廷鏗解釋︰「我冇定義佢嘅任何取態，所謂易服無啦啦變成需要平反嘅事情，嗰句係純粹話覺得最有型最靚咪去做囉，2021大家有乜未見過！」