今個周末有咩好嘢?澳職啦，難得星期六、日有咁多場波可以揀，梗係有心水同大家分享。
先講下星期日場墨爾本城主場對珀斯光輝；光輝最近幾場啲入波都爆到七彩，3場比賽總入球加埋20球波，平均差唔多六球，因為疫情關係要繼續作客，睇番上場佢哋都想守穩啲，不過都臨尾香最後階段連失兩球，搞到1:2輸波。所以教練出盡辦法想盡量減少失波，但實際上好難零失球；好彩佢哋進攻方面都冇咩問題，繼續以攻代守都未嘗唔係出路。
至於對手墨爾本城，話就話有曼城背後嘅中東財團照住，又有占美麥卡倫、納博特呢啲大牌球員，不過睇嚟名過於實，暫時開季都唔算太差錄得2勝1負，不過主場只不過險勝西部聯，唔係太有說服力。今次對光輝其實都幾均勢，真係邊隊讓波就一定要對面，初盤墨城讓平/半，「大」就一定要買，下盤當然可以兼顧，不過如果臨場有啲回飛，墨城唔使讓轉平手先要得過。
另一場心水係星期六西部聯主場對墨爾本勝利；西部聯上場對珀斯光榮盡顯入球機器本色，繼續主場出擊對住勝利，體力已經有優勢。勝利狀態尚可，上仗咁啱都係贏咗光輝，但格食格，西部聯控球在腳踢法，剋到勝利唔穩陣嘅後防，頂到15分鐘唔失波，我都當勝利贏，澳職始終「入球大細」真係偏向「大」，所以千祈唔好拗頸投放任何資源去買「細」，當然走地都可以跟進，所以如果有機會等到半場0:0，反而可以分注追「大」，盤路方面，西部聯讓平/半都要得過。
星期六（待定）西部聯（上）、大[2.5/3]
星期日（待定）珀斯光輝(下)、大[2.5/3]
文：黃耀富
截稿前馬會尚未開盤，盤口僅供參考，讀者記得留意足智彩網頁。