堪輿學家麥玲玲昨日與麥皓兒到將軍澳出席新春花市限定店活動時，為對方現場批算牛年姻緣運勢，笑言麥皓兒桃花強勁，不過未是時候結婚生子。提到年頭神預測鄭爽婚姻差有桃花劫，麥玲玲說：「咁啱啫，其實我都有預測Angelababy同黃曉明，兩條蛇難免有少少互咬。」問到二人會否分手？她說：「中國人會話兩條蛇好難相處，係高風險嘅一對，之前都有報道話Angelababy叫黃曉明做黃生，覺得關係有少少問題，佢哋係要好辛苦經營呢段關係。」麥玲玲又謂牛年香港娛樂圈喜事多，市道亦會由谷底反彈。
另外，近日有網民在連登重溫麥玲玲年輕時的照片與38G魔鬼身材，她聽後大笑說：「我第一時間問老公係咪佢擺相上連登，佢話唔係，又冇like，太過份！大個個樣後生啲，細個時老啲，19歲搭的士司機問我係咪30歲，對眼有冇病！」