疫情下禁酒樓晚巿堂食，令團年飯生意歸零，「根本睇唔到明天，連賀年套餐宣傳單張都唔敢印！」在旺角商廈經營6年的金苑酒家，股東黃先生欲哭無淚指過往新年前兩個月，已有客人預訂團年飯，但今年卻是零訂位。為保人氣，酒樓早前以成本價推出998元午巿套餐，包括4斤重阿拉斯加長腳蟹、半隻有米脆皮皇子豬吸客，但光顧客人寥寥可數，每日僅售少於10個。
他直言，疫情下油尖旺區酒樓比屋邨酒樓更傷，「好多人唔會專登出嚟食，驚搭車受感染，打工仔放工亦唔會山長水遠外賣返屋企。」故其店連晚市外賣都被迫放棄，現在惟有「死頂」，「如果業主唔肯減租，我哋又捱到負債纍纍，做來做去都係大負數，惟有結業！」
逾80年歷史、以乳鴿聞名的龍華酒店亦同樣陷入困局，負責人鍾太指出，旗下餐廳一半生意來自遊客，昔日農曆新年更是墟冚，「試過一日賣6,000隻鴿，每年1月1日單日營業額達30萬，但今年同日連3萬元都唔夠，平日每日營業額得3,000蚊！」餐廳基本開支每日2萬元，再加員工薪金，根本入不敷支。她形容，今次武肺比03年沙士差很多：「（武肺）真係最嚴重，恐怖過沙士，沙士嗰時都係一段時間 ，跟住就好快過咗。」
為了救亡，他們除加入外賣外，還推出真空乳鴿直送到家服務，將來亦計劃開辦煮藝班。她透露曾有商家提出收購，但她無意變賣，因為該店是香港人集體回憶，加上不少員工兩代人都在餐廳打工，如變賣餐廳猶如「冇咗個屋企」，為保住員工飯碗，她寧願以物業貸款近千萬元，繼續經營。
另一間以羊腩煲聞名、位於太子荔枝角道有57年歷史的老店珠江酒家，老闆楊先生甫提起今年團年飯市道大嘆欷歔，更以淒慘來形容。最大打擊是，其酒家多年來只做晚市，但政府禁晚巿堂食，等同於要他們結業，「我哋一向傍晚6點營業，以前好多人三五成群食晚飯、宵夜，年年團年飯成個場都爆晒，做都做唔切，𠵱家變成死寂！」即使他提早於下午3時營業，但仍是拍烏蠅。現時每日蝕六、七千元，若非保住7名員工生計，年屆60歲他也選擇結業。
餐務管理協會會長楊位醒表示，全港約有1,500至2,000間中式酒樓，過去一年已有2成結業，如政府不放寬限聚令等措施，料農曆新年後，不少酒樓根本無法捱得過傳統3、4月的淡季，將有100至200間酒樓結業。