GameStop （GME）真係唔知幾多年先得一遇，上一日成交293.26億美元（折合2,273億港元），係近期港股單日主板成交嘅八成！
分析GameStop睇圖表倒不如睇吓Google Trends。小弟用GameStop比較唔同嘅全球熱門關鍵字，首先用GameStop同最王道嘅COVID比較，喺噚日美股市後交易收市時，關注度曾經去到最接近嘅35:90。用啱啱公佈業績嘅Apple做比較，噚日美股啱啱開市時，GameStop嘅關注度首次突破Apple。喺噚日美股市後交易時段結束時，GameStop同Apple關注度比例更去到100:68。
大家可以想像，喺周三GameStop資訊度爆棚嘅時候，總有人趁熱鬧幫手炒起個價，但假如今日GameStop嘅關注度未能破頂，代表市場上未必搵到足夠新人入場。另一個訊號係，假如GameStop嘅關注度跌破蘋果，亦反映全球對GameStop急升的關注度見頂，買需有可能從此下降。至於大家最期待星期五淡友一次過補淡倉？期間限定嘅嘢向來喺股市嚟講甚少出現，一旦唔出現，股價會點走，大家唔難想像，揸住貨嘅話，至少要考慮星期五冇補倉升勢之下嘅操作了。
晉佳