熱爆節目《全民造星III》參賽者戀事多多，原來顧定軒（Zeno）都捲入三角戀，女主角是唱《隔離》上位的歌手陳凱詠（Jace），情敵是電影《手捲煙》導演陳健朗。
據知情人士透露，Jace和陳健朗幾年前曾秘密撻着，還一起去看張學友演唱會：「佢哋一早識，之前拍過拖，直至舊年散咗；Jace初入行已經同Zeon合作拍嘢，四年前拍《瑪嘉烈與大衛—前度》再次撞返先開始friend，仲做埋老友，因為當時Jace同陳健朗拍緊拖，所以佢哋只係好朋友關係。」後來Jace和陳健朗感情轉淡分手，Zeon展開追求，據知，去年11月他和Jace拍拖睇達明一派，誰知後來陳健朗又翻撻Jace並復合。
對於被爆陷三角戀，問到與Zeon是否再見亦是朋友？Jace回覆《蘋果》：「我同顧定軒係好朋友，其他就唔回應喇！」Zeon表示：「佢哋兩個都係我嘅好朋友。」陳建朗指跟二人也是好友，被問到是否跟Jace拍拖時，他說︰「呢個答唔到你喎！」對於有傳Zeon追求Jace︰「唔知喎，呢個你問返佢哋啦！」
