【本報訊】油麻地受限區域突襲式封閉11小時後解封，有居民對於突然封區大感不滿，斥政府「做show畀人睇」；封鎖區內有洗衣店職員慨嘆現時該處猶如成為疫區，「有啲熟客話唔敢過嚟幫襯」。
居於封鎖區的72歲黎先生為長期病患者，每日早上4時起床，然後去晨運、飲早茶，昨日要延遲至6時多才能晨運。他坦言感不便，斥政府做法擾民，設封鎖區只是「做show畀人睇」，並反問：「你試吓去淺水灣 、深水灣，政府會唔會派啲檢疫車去要人檢疫，嗰啲人就一定冇事？」
位於東安街的順豐大廈因兩個不同單位錄得確診個案，衞生署本月23日發出強制檢測令後，一直未再錄得確診個案，惟該大廈被納入封鎖區，變相居民三日內要接受兩次強制檢測。順豐大廈居民陳先生表示，前日已提交深喉唾液樣本，不理解為何昨日有必要再次接受檢測。他稱對政府做法感無奈，「好重複，浪費啲資源去做，又好冇效益，噚日用咗咁多人力物力，只係搵到一個人（確診），政府應該檢討吓政策先」。
另一名於順豐大廈居住的女士指周日已接受檢測，但前日同樣須再強檢。她坦言曾想離開大廈，暫時不回來居住，「我禮拜日已經check咗，點解又要（接受檢測），我覺得唔使再check，點知走唔甩」。
除了居民大感不便，商戶生意亦被拖累。位於碧街封鎖區的「C33汶達洗衣乾濕店」職員鄧小姐表示，前晚封區時，店內多部洗衣機正清洗衣物，昨晨要回到店內重新開機洗衣，或要延遲將衣物交予客人。她續說，現時該處如成為疫區，難免影響生意，「有啲熟客話唔敢過嚟幫襯」。她又透露，店舖所在大廈的喉管經常淤塞，擔心喉管有播毒風險，「叫極人嚟通渠都冇人理」。她稱已接受兩次檢測，老闆也有接受檢測，因此不太擔心。
