中環寫字樓空置率自2004年以來首次升破7%。上星期在上環見完一個客，在街頭遇見以前大型代理行共事的朋友A，回憶當時兩人每天在公司瘋狂cold call食白果，個個星期企街派傳單的天真歲月。
A好早已厭倦跑完無數的日子，最痛苦是跑到跳bar之間，即是佣金收入9萬元跟公司拆20%，達到10萬元就提高比例至25%，亦即是只要賺多1萬元佣金，個人淨袋就由1.8萬元跳至2.5萬元，相差7,000元，對於經紀，這不是一筆小數目。
他努力進修，早年獲本港一家百年老字號聘請為物業部的管理層，薪高糧準。他仍在這家企業搵食，所以我第一句話是：「你就好喇！」
塵世間從來你睇人好，人睇你好，他答：「我哋公司喺中環、灣仔核心商業區有唔少物業，撞正𠵱家疫情，好多現有租客都要求我哋減租或者減少租用樓面，更有一啲租客撤出，商廈空置率創新高。我公司整體物業收入大減，就算我哋咁有實力都面臨壓力，更加是少有哋狂捽數，要同事搵客填返空置單位。我哋已經養唔到旺市嗰陣咁多人手，重整人力資源或者裁員，在所難免。（都係你啲下屬跑數啫？）唉，我𠵱家去見客。」唉，我倆曾經由跑數升到去捽數，今天人到中年又跑數。
小師兄