聯想集團（992）喺1月12日宣佈董事會已批准可能發行中國存托憑證（CDR）、並向上海證券交易所科創板申請CDR上市及買賣嘅初步建議。
自消息公佈後，聯想股價創下超過5年高位，反映市場對是次回A計劃認同，並睇好公司前景。聯想集團2020/2021財年第二季度（2020年3季度）業績表明，公司嘅軟件與服務業務營業額較上年同期增長了39%，創下歷史新高，成為集團業務增長新引擎。
聯想當前具備優勢嘅PC行業本身前景向好，唔單止硬件產品創新，喺業務模式上亦持續探索轉型。據瞭解，聯想相當重視打造服務與軟件領域嘅「軟實力」。最新財務報表中顯示，聯想集團軟件與服務營業額較去年同期增長39%。附加軟件及服務按年增長25%，運維服務按年增長91%，解決方案服務按年增長68%，設備即服務更是增長高達210%。同時，電商業務營業額也取得了41.8%的按年增長。
目前，大部份投資者對聯想嘅認知，普遍仲停留喺PC霸主的定位上。然而，當市場認識到，聯想無論創新實力，抑或打造高利潤率、高成長潛力業務上均已蓄勢待發，聯想股價自然有脫胎換骨嘅表現。聯想現價市盈率僅為22倍；與之相比，小米集團（1810）為48倍，內地上市嘅用友網絡、深信服、廣聯達嘅市盈率更以過百倍計，聯想嘅市值重估快將隨之進行。
現價買入，首個目標價12元，接近2015年高位，但若市場重新估值，對應約40倍市盈率，股價可見18元。
古天后